18
أكتوبر
يالا نساعد بعض دا اسم انا اختارته لحملة نقدر نسميها او حركة .. سهل علينا كلنا اننا ننفذها طلبه كنا او موظفين او اشخاص نازلين حتي لشراء طلبات في مكان واحد او كل شخص في بلده . والفكرة بتقوم علي اننا نحاول قدر الامكان اننا ننزل بدري قبل ميعادنا ونبتدي احنا اللي ندور علي حد نساعده في الشارع واكيد هنلاقي كتير ,مش بقصد المساعدة المادية لكن اننا مثلا نوجهه لطريقه لو مش عارف يوصل , اننا نحمل عنه اشياء حملها فيه مشقه عليه , وهكذا ,,,, الفكرة اعتقد انها بسيطة وكلنا نقدر ننفذها .. احنا دلوقتي اثنين اللي مستمرين في الحركة دي واتمني اني الاقي رد حتي لو شخص واحد يقول انه انضم لينا ,,, وما فيش احسن من انك في نهاية الطريق تشوف ابتسامه مرسومة علي وجه الشخص اللي ساعدته……. ولكم مني جزيل الشكر
جزاك الله خيراً الأخت مصراوية والحقيقة أن شعور السرور والرضا الذي يحس به من يساعد الآخرين لا يمكن وصفه ولا يعرفه إلا من جربه ونتمنى أن تعم هذه الظاهرة كل الأمة فلا يبقى فيها بائس أو حزين.
وتقبل الله منا ومنكم.
عزيزي فاعل خير يسعدني تعليقك لكني سوف اسعد اكثر ان قلت بانك انضممت الينا في( يالا نساعد بعض )وان تستمر علي هذا الدرب ما حييت والا يكون ليوم او يومين وتنتهي ,,,, ويالا كلنا نساعد بعض باي شكل وباي وسيلة متاحة لينا وفي ايدينا ننفذها…
جزاك الله خيرا ولك مني خالص الاحترام والتقدير..
شكرا لتنبيهك أخت مصراوية وبإمكانك تعتبريني مشترك منذ اليوم ، بس أحيانا يحتاج الواحد إنه يدور على شخص يساعده ، مش دائماً تلاقي شخص يحتاج مساعدة بسرعة.. ونتمنى أنه من هذا المنبر يكون صوتنا يوصل لكل الدنيا وتعم هذه الظاهرة المباركة.
عندك كل الحق عزيزي فاعل خير .. كتير من الاوقات مش بنلاقي فعلا حد في الشارع نساعده … وانا كمان اوقات كتير مش بلاقي..لكن لو بصيت ف عيون الناس هتلاقي ولو شخص واحد محتاج للمساعدة لكن حياؤه بيمنعه من طلبها …. .
جزاك الله كل خير وسعيدة جدا جدا جدا بانضمامك لينا هي يمكن فكرة غريبة اننا اللي ننزل ندور ع الناس في الشارع نساعدهم لكن بانضمامك لينا يبقي اكيد انت مقتنع بيها وايدك في ايدينا نوصل صوتنا لاكبر عدد ممكن ,انت من مكانك وبلدك واحنا كل واحد فينا في بلده ونحاول قدر استطاعتنا نشيل ع الناس همومها حتي لو كان اللي بنعمله دا شئ بسيط في نظر البعض فاكيد في نظر اللي بنساعدهم يساوي كتير… تحياتي
وجزاك الله خيرا مرة اخري..